काठमाडौं । सरकारले आन्दोलनरत लघुवित्त वित्तीय संस्था पीडित संघर्ष समितिलाई वार्तामा बोलाएको छ ।

अर्थमन्त्री वर्षमान पुनको निर्देशनमा अर्थ मन्त्रालयले शुक्रबार दिउँसो २ बजे लघुवित्त पीडितका प्रतिनिधिलाई वार्ताका लागि बोलाएको हो ।

मन्त्रालयद्वारा सहसहसचिव एवं वित्तीय क्षेत्र व्यवस्थापन तथा संस्थान महाशाखा प्रमुख नारायणप्रसाद रिसाल नेतृत्वमा गठित समितिले पीडितका प्रतिनिधिलाई वार्ताका लागि सिंहदरबारमा बोलाएको छ ।

उक्त समितिमा गृहमन्त्रालयका सहसचिव एवं प्रवक्ता नारायणप्रसाद भट्टराई, कानुन मन्त्रालयका उपसचिव झइन्द्र गुरागाईं, नेपाल राष्ट्र बैंकका प्रतिनिधि छन् । समितिको सदस्यसचिवमा अर्थ मन्त्रालयका उपसचिव केशव उप्रेती छन् ।

मन्त्री पुनले समितिलाई संघर्ष समितिसँग वार्ता गरी उनीहरूका माग सम्बोधन गर्ने उपायसहित प्रतिवेदन बुझाउन निर्देशन दिएका छन् ।