दाङ । रक्सीले मातेका एक चालकले चलाएको कार पुलबाट खसेको छ ।

दाङको घोराहीमा आफूले चलाइरहेको बागमती प्रदेश ०१–०२८ च ९८५५ नम्बरको कार चालकले कटुवा खोला पुलबाट सोमबार राति साढे ९ बजेतिर कार खसालेका हुन् ।

प्रहरीका अनुसार दुर्घटनामा कार चालक ललितपुर महानगरपालिका १५ बस्ने ४२ वर्षीय उज्ज्वल केसी घाइते भएका छन् । कार अनियन्त्रित भएर पुलबाट खसेको दाङ प्रहरीले जनाएको छ ।

चालक केसीको निधार र छातीमा चोट लागेको र उनको घोराहीस्थीत राप्ती स्वास्थ्य विज्ञान प्रतिष्ठानमा उपचार भइरहेको प्रहरीले जनाएको छ।