बाँके । प्रहरीले स्रोत नखुलेको ३८ लाख बढी रकमसहित बाँकेबाट तीन जनालाई पक्राउ गरेको छ ।

नेपालगञ्ज उपमहानगरपालिका वडा नम्बर १ सुर्खेत रोडबाट तीन जनालाई प्रहरीले पक्राउ गरेको हो।

पक्राउ पर्नेमा बर्दियाको बारबर्दिया नगरपालिका-२ की २५ वर्षीया पूर्णिमा चौधरी, राजापुर नगरपालिका-१ का २० वर्षीय अनुप थारू र नेपालगञ्ज-१६ जैसपुरका ३६ वर्षीय हसिब अहमद जसगढ छन्।

उनीहरूबाट स्रोत नखुलेको ३८ लाख ६३ हजार रुपैयाँ बरामद भएको जिल्ला प्रहरी कार्यालय बाँकेले जनाएको छ ।

पक्राउ परेका पूर्णिमाले बोकेको झोलाबाट १६ लाख ९४ हजार रुपैयाँ र अनुपले बोकेको झोलाबाट २१ लाख ६९ हजार रुपैयाँ रकम बरामद भएको थियो।

उनीहरूलाई भरियाको रूपमा रकम ओसारपसारमा प्रयोग गर्ने गरेको तथ्य अनुसन्धानबाट खुलेको प्रहरीले जनाएको छ ।