एजेन्सी । आर्सनल प्रिमियर लिगको शीर्षस्थानमा फर्किएको छ । गएराति ब्रेन्टफोर्डलाई २-१ गोलले पराजित गर्दै आर्सनल अंक तालिकाको शीर्ष स्थानमा फर्किएको हो ।

इमिरेट्समा १९ औं मिनेटमा डेक्लान राइसले गोल गर्दै आर्सनललाई सुरूवाती अग्रता दिलाएका थिए ।

पहिलो हाफको अन्तिम समयमा ब्रेन्टफोर्डका योआन विस्साले गोल फर्काएपछि पहिलो हाफ १-१ गोलको बराबरीमा सकिएको थियो।

दोस्रो हाफको ८६ औं मिनेटमा काइ हाभर्त्जले गोल गर्दै आर्सनलको जित सुनिश्चित गरेका हुन्। जित सँगै शीर्षस्थानमा पुगेको आर्सनलको ६४ अंक छ।