एजेन्सी । भारतको बैंगलोरमा पानीको हाहाकार भएको छ ।

पानी अभाव बढेसँगै बैंग्लोर पानी आपूर्ति र ढल निकास बोर्ड (बीडब्ल्यूएसएसबी) ले पिउने पानीको प्रयोगबारे प्रतिबन्धात्मक आदेश जारी गरेको छ।

आदेशमा मानिसहरूलाई बगैंचा, सवारी साधन धुने वा भवन निर्माणमा पिउने पानी प्रयोग नगर्न भनिएको छ । त्यसो गर्नेलाई ५ हजार रुपैयाँ जरिवाना गरिने बोर्डले जनाएको छ ।

कतिपय ठाउँमा बहुतले भवनमा बस्ने मानिसलाई हप्तामा दुई दिन मात्रै गाडी धुन निर्देशन दिइएको छ । कतिपय ठाउँमा आधा बाल्टिन पानीले नुहाउन र आधा बाल्टिन पानीले शौचालय सफा गर्न भनिएको छ ।