डोटी । रडुवामा सुख्खा पहिरो खस्दा केआईसिंह राजमार्ग अवरुद्ध भएको छ ।

डडेल्धुराबाट डोटी आउने केआईसिंह राजमार्गको रडुवा क्षेत्रमा सुख्खा पहिरो खस्दा आवतजावत ठप्प भएको हो ।

बुधबार दिउँसोदेखि ढुंगामाटो खस्न सुरु भएर बिहीबार साँझ साढे ७ बजेतिर सुख्खा पहिरो खस्दा आवतजावत ठप्प भएको प्रहरीले जनाएको छ ।

सुख्खा पहिरो हटाउने प्रयास भइरहेको बताइएको छ । सडक अवरुद्ध भएपछि यात्रुहरु अलपत्र परेका छन् ।