बुटवल । बाँकेमा लुटेरा समूहको आक्रमणबाट एक जनाको ज्यान गएको छ ।

गए राति ५/७ जनाको समूहमा लुटपाटका लागि आएकालाई प्रतिकार गर्ने क्रममा जानकी गाउँपालिका ३ रुद्रपुर नयाँ बस्तीका सन्तोष कठरिया थारुको मृत्यु भएको हो ।

लुटेरा समूहले उनलाई चिर्पटले आक्रमण गरेका थिए। सो समूहको प्रतिकारका क्रममा मृतक केडेरियाकी श्रीमती सविता राजवंशी थारु पनि घाइते भएकी छन् ।

लुटेराहरूले सबिताले लगाएको सुनको फुली र ४० हजार नगद लुटेर लगेको जिल्ला प्रहरी कार्यालय बाँकेले जनाएको छ।

खजुरा रोडबाट भित्री सडकमा पर्ने रुद्रपुरमा एकान्तमा रहेको घरमा लुटपाटकै उद्देश्यले सो समूह आएको बताइएको छ ।

प्रहरीले घटनाको बारेमा थप अनुसन्धान सुरु गरेको जनाएको छ।