काठमाडौं । नवनियुक्त उपप्रधान एवं गृहमन्त्री रवि लामिछानेले सरकारी जग्गा हडप्नेलाई कारबाही गर्न निर्देशन दिएका छन् ।

बुधबार गृह मन्त्रालयमा पदबहाली गर्दै उनले ७७ वटै जिल्लामा सरकारी जग्गा हडप्नेहरूलाई कारबाही गर्न निर्देशन दिएका हुन् ।

उनले निवर्तमान उपप्रधान एवं गृहमन्त्री नारायणकाजी श्रेष्ठको कार्यकालमा ७७ वटै जिल्लामा सरकारी जग्गालाई फिर्ता ल्याउन गरिएको परिपत्रलाई नै कार्यान्वयन गर्न पहिलो निर्णय गरेको बताए ।

उनले चाँडोभन्दा चाँडो सरकारी जग्गाहरू फिर्ता ल्याउन समेत निर्देशन दिए। यस्तै गृह प्रशासनमा सरूवा गर्नु नै कारबाही हो भन्ने भाष्यलाई गलत साबित गर्नुपर्ने उनको भनाई छ ।