काठमाडौं । लुम्बिनीमा हुने भनिएको लौरियट्स एण्ड लिडर्स शिखर सम्मेलन स्थगित भएको छ।

केन्द्रमा सरकार परिवर्तन भएपछि अन्योलमा रहेको सम्मेलनलाई लुम्बिनी प्रदेश सरकारले स्थगित गरेको हो।

विभिन्न देशका ९ जना नोबेल शान्ति पुरस्कार विजेतासहित विभिन्न दातृ निकायका लगानी साझेदारहरूलाई फागुन २८ र २९ गते लुम्बिनीमा ल्याएर शिखर सम्मेलन गर्ने तयारी प्रदेश सरकारले गरेको थियो।

शिखर सम्मेलनको सबै तयारी सुरू भई १ सयभन्दा बढी विदेशी पाहुनाहरूलाई समेत आमन्त्रित गरिसकिएको अवस्थामा शिखर सम्मेलन स्थगित गरिएको हो।

लुम्बिनी प्रदेश सरकारको मंगलबार बसेको मन्त्रिपरिषद् बैठकले सम्मेलन स्थगित गर्ने निर्णय गरेको हो।