काठमाडौं । त्रिकोणात्मक टी–२० आई सिरिजको उपाधि जित्न १८५ रनको लक्ष्य पछ्याएको नेदरल्याण्ड्सको तेस्रो विकेट गएको छ ।

१५.२ ओभमा अविनाश बोहराले विक्रमजित सिंहलाई व्यक्तिगत २९ रनमा कुशल मल्लको हातबाट क्याच आउट गरेका हुन् ।

उनी आउट हुँदा नेदरल्याण्ड्सको १३३ रन छ । यसअघि नवौं ओभरमा कुशल मल्लले एकै ओभरमा दुई विकेट लिएका थिए ।

नवौं ओभरमा बलिङमा आएका उनले पहिलो बलमा नै म्याक्स ओडाउडलाई दीपेन्द्र सिंह ऐरीको हातबाट क्याच गराए ।

ओडाउड व्यक्तिगत २३ रनमा आउट भएका हुन् । त्यसपछि पाँचौ बलमा माइकल लेभिटलाई कप्तान रोहित पौडेलको हातबाट क्याच गराए ।