काठमाडौं । त्रिकोणात्मक टी–२० सिरिजको फाइनलमा नेपालले उपाधि जित्न नेदरल्याण्ड्सलाई जितका लागि १८५ रनको लक्ष्य दिएको छ ।

त्रिवि क्रिकेट मैदान कीर्तिपुरमा टस जितेर ब्याटिङ गरेको नेपालले २० ओभरमा ८ विकेट गुमाउँदै १८४ रन बनाएको हो ।

नेपालका लागि आशिफ शेखले ४७ रन बनाए । ३१ बल खेलेका उनले एक चौका र तीन छक्का प्रहार गरे ।

यस्तै, गुल्सन झाले २४ रन बनाए । कुशल मल्ल २६, रोहित पौडेल २५, कुशल भुर्तेल २० र करण केसी ९ रन बनाएर आउट भए ।

दीपेन्द्र सिंह ऐरी भने एक रन मात्रै बनाएर आउट भए । आरिफ शेख शून्यमा आउट भए ।

नेदरल्याण्ड्सका फर्द क्लासेन, टिम भान डर गुगटेन, स्याब्रान्ड एंगेलब्रेक्ट र माइकल लेभिटले समान २ विकेट लिए ।