काठमाडौं । सत्ता गठबन्धन फेरिएसँगै सेयर बजारमा सकारात्मक सर्किट ब्रेक लागेको छ ।

अघिल्लो दिनको तुलनामा नेप्से परिसूचक ७९ अंक बढेपछि बजारमा सर्किट ब्रेक लागेको हो ।

कारोबार सुरु भएको ३ मिनेटमै बजार ४ प्रतिशत बढेको हो ।

कारोबार सुरु भएको पहिलो १ घण्टाभित्र ४ प्रतिशतले बजार बढेमा वा घटेमा सर्किट ब्रेक लाग्छ । सर्किट ब्रेकपछि २० मिनेटका लागि कारोबार स्थगित भएको छ ।

यतिबेलासम्म १४ करोड ८० लाख रुपैयाँ बराबरको धितोपत्र कारोबार भएको छ ।

कारोबार स्थगित भएको समयदेखि २० मिनेटपछि बजार फेरि खुल्नेछ।

नेकपा एमाले र नेकपा माओवादी केन्द्रबीच सत्ता सहकार्य गर्ने सहमति जुटेसँगै नेपाली कांग्रेस नेतृत्वको गठबन्धन भत्किएको हो ।