काठमाडौं । न्यूरोड टिम (एनआरटी) लाई हराउँदै मछिन्द्र एफसीले केपी ओली कपको उपाधि जितेको छ ।

शनिबार दशरथ रंगशालामा भएको फाइनल खेलमा एनआरटीलाई टाइब्रेकरमा ५–४ गोलले पराजित गर्दै मछिन्द्रले उपाधि जितेको हो ।

निर्धारित ९० मिनेटमा दुवै टिमबाट गोल हुन नसकेपछि खेल पेनाल्टी सुटआउटमा पुगेको थियो ।

अन्तिम पेनाल्टीमा एनआरटीका विवेक गुरुङको प्रहार कप्तानसमेत रहेका गोलकिपर विशाल श्रेष्ठले छेकेपछि मछिन्द्र च्याम्पियन बनेको हो ।

उपाधि जितेसँगै मछिन्द्र एफसीले नगद ११ लाख र उपविजेता एनआरटीले ५ लाख प्राप्त गरेका छन् ।