काठमाडौं । वाफ महिला च्याम्पियनसिपमा उपविजेता बनेको नेपाली टिम स्वदेश फिर्ता भएको छ ।

बिहीबार भएको फाइनलमा जोर्डनसँग पराजित भएपछि उपविजेतामा चित्त बुझाएको नेपाली टिम शुक्रबार राति स्वदेश फर्किएको हो ।

नेपाली टिमलाई अखिल नेपाल फुटबल संघ (एन्फा) का अध्यक्ष कर्माछिरिङ शेर्पालगायत अन्य पदाधिकारीहरुले त्रिभुवन विमानस्थलमा स्वागत गरे ।

साउदी अरेबियामा भएको प्रतियोगिताको फाइनलमा नेपाल जोर्डनसँग पेनाल्टी सुटआउटमा ५–३ ले निराश भएको थियो ।