काठमाडौं । प्रहरीले हेलमेट चोर्ने गरेको आरोपमा एक जनालाई पक्राउ गरेको छ ।

काठमाडौं जिल्ला अदालतको गेटबाट लगातार हेलमेट चोरी गर्ने गरेको आरोपमा गोरखाका सञ्जय थापा मगर पक्राउ परेका हुन् ।

प्रहरीका अनुसार उनले आफूले हेलमेट चोरेको स्वीकार गरेका छन् । उनलाई सादा पोसाकमा खटिएका प्रहरी जवानले पक्राउ गरेको प्रहरीले जनाएको छ ।

उनलाई थप अनुसन्धान र कारबाहीका लागि प्रहरी वृत सिंहदरबारमा राखिएको छ ।