काठमाडौं । परराष्ट्रमन्त्री एनपी साउदले गैरकानुनी रुपमा रुसी सेनामा भर्ती भएर काम गरिरहेका नेपाली नागरिकहरुलाई स्वदेश फर्काउनको लागि नेपाल सरकारले रुस सरकारसँग कुरा गरिरहेको बताएका छन् ।

रुसी सेनामा भर्ना भएका नेपालीहरुका आफन्तसँग मंगलबार मन्त्रालयमा भएको छलफलका क्रममा परराष्ट्रमन्त्री साउदले यस्तो बताएका हुन् ।

उनले भने,‘रुसी सेनामा कार्यरत नेपाली नागरिकलाई स्वदेश फर्किन दिने विषयमा समेत रुसी सरकारसँग कुरा भएको भइरहेको छ । सरकार रुससँग नेपाली नागरिकको शव फिर्तासम्बन्धमा पनि निरन्तर अनुरोध गरिरहेका पनि छौं ।’

परराष्ट्रमन्त्री साउदले गैरकानुनी रुपमा गएका भए पनि रुसी सेनामा भर्ना भएका नेपाली नागरिककाप्रति राज्यको दायित्व रहेको बताए ।