अनलाइन नेपाल
काठमाडौं । डिल्लीबजारको कालिकास्थानस्थित प्लाटिनम कलेजका कार्यकारी अध्यक्ष जीवन कुमार गुरुङ पक्राउ परेका छन् ।
१४ किलो सुन तस्करी प्रकरणमा संलग्न रहेको आरोपमा उनी काठमाडौंबाट पक्राउ परेका हुन् ।
स्रोतका अनुसार केन्द्रीय अनुसन्धान ब्युरो (सीआईबी) को टोली गुरुङलाई पक्राउ गरेको हो ।
गत २१ मंसिरमा विमानस्थलमा बरामद भएको १४ किलो सुन तस्करीमा उनको संलग्नता पुष्टि भएको थियो ।
उनी १४ किलो सुन तस्करीका योजनाकार रहेको पाइएको थियो । त्यस यता उनी फरार अवस्थामा रहेका थिए ।
२१ मंसिरमा भन्सारले १४ किलो सुनसहित चन्द्र घलेलाई पक्राउ गरेको थियो । घलेलाई सुन तस्करीमा परिचालन गर्ने मिनबहादुर घलेलाई उनै गुरुङले काममा लगाउँदै आएका थिए ।
गुरुङ वर्षौदेखि सुन तस्करी लगायत आपराधिक गतिविधिमा संलग्न रहेको स्रोत बताउँछ । उनको माओवादीका विद्यार्थी नेता दिपेश पुनसँग निकटता देखिएको थियो ।
हिमचुली मिडिया प्रा. लि.
इमेल: [email protected]
फोन नम्बर: +977- 01-4526373 (9851137729, 9851148387)
ठेगाना: न्यू प्लाजा, पुतलीसडक, काठमाडौं
दर्ता नम्बर: 1695/076/077
Leave a Reply