काठमाडौं । मिटरब्याजपीडित र सरकारबीच आज पनि वार्ता हुने भएको छ ।

आज वार्तामा बस्नेगरी आइतबारको वार्ता टुंगिएको थियो । जसअनुसार सरकार र पीडितबीच बिहान ११ बजेदेखि पुनः वार्ता हुन लागेको हो ।

आजको वार्तामा पीडितका मागसँग सम्बन्धित निकायका प्रतिनिधिहरूलाई पनि सहभागी गराउने सहमति भएको छ ।

आइतबार गृह मन्त्रालयमा भएको वार्तामा पीडित पक्षले आफ्ना माग राखेका थिए ।

यसैबीच, पीडितहरूले सडक आन्दोलनलाई निरन्तरता दिने भएका छन् । आइतबार पीडित पक्षले संघर्ष समितिको तर्फबाट अवधेश कुश्वाहाको संयोजकत्वमा वार्ता टोली गठन गरेका थिए ।