काठमाडौं । लुम्बिनी प्रदेशका सांसद जानकी प्रसाद यादव निलम्बित भएका छन् ।

राष्ट्रिय प्रजातन्त्र पार्टीबाट कपिलवस्तु ३ (२) मा विजयी भएका सांसद यादव प्रदेशसभा सदस्यबाट निलम्बित भएका हुन् ।

अख्तियार दुरुपयोग अनुसन्धान आयोगले यादवविरुछ विशेष अदालतमा मुद्दा दायर गरेको छ । काठमाडौंमा सार्वजनिक सम्पत्ति (वन पैदावार) को हानिनोक्सानी गरेको उनीमाथि आरोप छ ।

प्रदेशसभा सचिव दुर्लभ कुमार पुन मगरले यादवको उक्त मुद्दाको अन्तिम किनारा नभएसम्म स्वतः निलम्बनमा रहनेछन् ।

लुम्बिनी प्रदेशका सांसद यादवको हकमा २९ लाख १२ हजार एक सय ९३ रुपैयाँ ६५ पैसा बिगो कायम गरी कैदसजायको मागदाबी गरिएको छ ।