काठमाडौं । फागुन २५ गते महाशिवरात्रिको दिनमा रिलिज हुने चलचित्र ‘रङ्गेली’ को ट्रेलर रिलिज गरिएको छ ।

एक कार्यक्रमका बिच रिलिज गरिएको ट्रेलरमा ‘डर र शक्तिको खेल’ को दृश्य देखाइएको छ ।

चलचित्रका प्रमुख कलाकार सबै अटेको ट्रेलरले तराई क्षेत्रमा घटेका विविध घटनाहरू र आयामहरूलाई दृश्य मार्फत देखाउने कोसिस गरेको छ ।

फिल्ममा दयाहाङ राई, मिरुना मगर, अर्पण थापा, प्रवीण खतिवडा, रमेश बुढाथोकी, रुपेश झा, सुन्दर धिताल लगायतको अभिनय छ ।

चलचित्रका गीतहरूमा हर्क साउद, अर्जुन सुवेदी र सबिन एकतारेको शब्द तथा सुशान्त गौतम र हर्कुलस बस्नेतको सङ्गीत छ ।

चलचित्रका कार्यकारी निर्माता जीतेन्द्र खतिवडा र अनुज जङ्ग थापा हुन् ।

निर्माताहरू संसार चौलागाईं र रमेश भट्टराई वशिष्ठ हुन् भने युवक कार्की र शिव शङ्कर चौलागाईँ सह–निर्माता हुन् ।

विवेक खड्का (योलो) एशोसियट निर्माता हुन् । चलचित्रका छायाकार सुशन प्रजापति हुन् ।