कैलाली । जिल्ला प्रहरी कार्यालय कैलालीबाट प्रहरी उपरीक्षक देवेन्द्रबहादुर पालको सरुवा भएपछि उनको स्थानमा पदमबहादुर बिष्ट आएका छ्न् ।

पालको सुदूरपश्चिम प्रदेश प्रहरी गण धनगढी, कैलालीमा काज सरुवा भएकोमा त्रिभुवन अन्तर्राष्ट्रिय विमानस्थल सुरक्षा कार्यालयमा कार्यरत एसपी बिष्ट कैलाली प्रहरीको कमाण्ड सम्हाल्न आएका हुन् ।

उनी आजै कैलाली पुगेर कमाण्ड सम्हालेका हुन् । एसपी बिष्टलाई डीएसपी कुलदिप चन्द लगायत प्रहरी कर्मचारीहरुले स्वागत गरेका थिए ।

साथै एसपी बिष्टले कार्यालयको निरीक्षण र कार्यालयमा कार्यरत प्रहरी कर्मचारीहरुलाई व्यवसायिक निर्देशनसमेत दिएको कैलाली प्रहरीले जनाएको छ ।