काठमाडौं । देशभरबाट करिब तीन हजार लघुवित्त तथा वित्तीय संस्थाका पीडितहरू काठमाडौंमा आइपुगेका छन् ।

करिब छ दिन लगाएर एक हजारभन्दा बढी पीडितहरू मुस्लिन हुँदै आज काठमाडौं आइपुगेका हुन् । उनीहरू आउने क्रम जारी रहेको संघर्ष समितिले जनाएको छ ।

सरकारले समिति बनाएर पनि केही काम नगरेकोले पुनः सरकारलाई झकझकाउन आएको एक पीडितले बताए ।

मुग्लिनबाट हिँडेका उनीहरू छ दिनका दिन शनिबार साँझ थानकोटस्थित त्रिभुवन पार्कमा आएर बास बसेका थिए ।

आज उनीहरू थानकोटबाट र्‍यालीसहित कलङ्की हुँदै तीनकुने गएर बस्ने र सोमबारदेखि शान्तिपूर्ण आन्दोलन सुरु गर्ने समितिले जनाएको छ ।