काठमाडौँ । आईसीसी विश्वकप लिग– २ को त्रिकोणात्मक सिरिजअन्तर्गत नेदरल्यान्डविरुद्धको खेलमा नेपालले तेस्रो सफलता हात पारेको छ ।

नेपालका ललितनारायण राजवंशीले तेस्रो विकेट लिएका हुन् । उनले  ३४ बलमा २३ रन बनाएर खेलिरहेका नेदरल्यान्ड्सका ब्याटर स्याब्रान्ड इंगेलब्रेचलाई आउट गरे ।

यसअघि दोस्रो विकेट रन आउटमा गुमेको थियो भने पहिलो विकेट सोमपाल कामीले लिएका थिए ।

कीर्तिपुरस्थित टीयू क्रिकेट मैदानमा नेपालले टस जितर पहिले बलिङ गर्ने निर्णय गरेपछि नेदरल्यान्डसले ब्याटिङ गरिरहेको छ ।

पहिलो खेलमा बिहीबार नेपाल नामिबियासँग ४ विकेटले पराजित भएको थियो । लिग– २ मा नेपालसहित ८ देश नेदरल्याण्ड्स, नामिबिया, क्यानडा, ओमान, स्कटल्याण्ड, युएई र अमेरिका सहभागी छन् ।