धनकुटा । धनकुटाको साँगुरीगढी गाउँपालिका-६ भेडेटारबाट पाँच सय ९४ केजी गाँजासहित चारजना पक्राउ परेका छन् ।

बुधबार बिहान २ बजेतिर इलाका प्रहरी कार्यालय भेडेटारको प्रहरी टोलीले गाँजा बोकेको को १ ७३२२ नम्बरको डिजेलरपेट्रोल बोक्ने ट्याङकर गाडीसहित तीन भारतीय र एक जना नेपाली नागरिक पक्राउ परेका हुन् ।

मुलघाटदेखि विराटनगर तर्फ जाँदै गरेको ट्याङकरमा चेकजाँच गर्दा ट्याङकरको तेल लगाउने पाँच वडा डिब्बा (केल) मध्ये बीचको (केल) भित्र ५ सय ९४ केजी गाँजा भेटिएको इलाका प्रहरी कार्यालय भेडेटारले जनाएको छ ।

पक्राउ परेका व्यक्तिलाई इलाका प्रहरी कार्यालय भेडेटारमा राखिएको छ। मुचुल्का उठाउने काम भइरहेको र नियन्त्रणमा लिइएको व्यक्ति सहित ट्याङ्कर र गाँजालाई जिल्ला प्रहरी कार्यालय धनकुटामा पठाउने तयारी भइरहेको छ ।