काठमाडौं । क्यानडाविरूद्धको तेस्रो एकदिवसीय खेलमा नेपालले पहिले फिल्डिङ (बलिङ) गर्ने भएको छ ।

कीर्तिपुरस्थित त्रिवि क्रिकेट मैदानमा टस जितेर नेपालले पहिले बलिङ रोजेको हो ।

यसअघि लगातार दुई खेल जित्दै नेपालले सिरिज जितेको छ। बिहीबार भएको पहिलो खेलमा नेपालले क्यानडामाथि ७ रनको रोमाञ्चक जित निकालेको थियो।

यस्तै, शनिबार भएको खेलमा ४ विकेटले विजयी भयो । नेपाल क्यानडासँगको सिरिज क्लीन स्वीप गर्ने लक्ष्यका साथ सोमबार मैदान उत्रिनेछ ।

क्यानडा पनि सान्त्वना जितको खोजीमा हुनेछ । यस्तै आज नेपाली टिमबाट तीव्र गतिका बलर हेमन्त धामीले डेब्यू गरेका छन् ।

यस्तो छ नेपालको प्लेइङ ११ :

रोहित पौडेल (कप्तान), कुशल भुर्तेल, देव खनाल, कुशल मल्ल, भीम सार्की, आरिफ शेख, पवन सर्राफ, हेमन्त धामी, ललित नारायण राजवंशी, आकाश चन्द र अनिलकुमार शाह ।

बेन्च : रिजन ढकाल, सोमपाल कामी, सूर्य तामाङ र आसिफ शेख ।