काठमाडौँ । ६० किलो सुन तस्करी प्रकरणमा जाँचबुझ गर्न गठित आयोगले दिपेश पुनसँग पनि बयान लिएको छ ।

सिंहदरबारमा रहेको आयोगले आइतबार अखिल क्रान्तिकारीका महासचिव पुनसँग बयान लिएको हो ।

उनी पूर्व उपराष्ट्रपति नन्दकिशोर पुनका छोरा हुन् । ६० किलो सुन तस्करीमा संलग्न बेल्जियनका दावा छिरिङसँग दिपेशको कनेक्सन देखिएको थियो ।

तिब्बतीयन मुलका बेल्जियन नागरिक दावा अहिले थुनामा छन् ।

राजस्व अनुसन्धान विभागले गत साउन ३ मा त्रिभुवन अन्तर्राष्ट्रिय विमानस्थल बाहिरबाट बरामद गरेको ६० किलो ७ सय १७ ग्राम सुन प्रकरणमा दावा ब्यवस्थापकको भुमिकामा देखिएका थिए ।

आयोगले यसअघि नै माओवादी उपाध्यक्ष कृष्णबहादुर महरा लगायतसँग पनि बयान लिइसकेको छ ।