माओवादी केन्द्रीय कमिटी बैठक भोलि बस्दै

काठमाडौं । नेकपा (माओवादी केन्द्र) को केन्द्रीय कमिटीको बैठक आइतबार (भोलि) बस्ने भएको छ ।

बैठक आइतबार बिहान ११ बजे राष्ट्रिय सभागृहमा बस्ने भएको हो । बैठक आइतबार र सोमबार दुई दिनसम्म चल्नेछ ।

बैठकमा माओवादी केन्द्रले यसअघि सञ्चालन गरेको चारमहिने ‘जनतासँग माओवादी विशेष अभियान’माथि विशेष समीक्षा गर्ने कार्यसूची छ ।

समसामयिक राजनीतिक विषयका अलावा पार्टीको काम–कारबाही र आउँदो फागुन १ गतेदेखि तय गरिएको विधान सम्मेलनबारे पनि छलफल गरिने बताइएको छ ।

प्रतिक्रिया दिनुहोस्

नयाँ अपडेट