काठमाडौं । काठमाडौंको एक होटलमा शनिबार एक महिला मृत फेला परेकी छन् ।

जिल्ला प्रहरी परिसर काठमाडौंका अनुसार काठमाडौं महानगरपालिका वडा नम्बर ९ स्थित ‘सिराहा धनुषा होटल एन्ड लज’ नामक होटलमा अन्दाजी ४५/५० वर्षीया महिला मृत फेला परेकी हुन् ।

अहिलेसम्म उनको पहिचान नखुलेको र घटनाबारे प्रहरीले थप अनुसन्धान गरिरहेको छ । ती महिलाको मृत्यु शंकास्पद भएको प्रहरीको भनाई छ ।

ती महिला अर्कै एक पुरुषसँगै कोठामा बसेकी थिइन् । तर ती पुरुष भने घटनापछि त्यहाँबाट फरार छन् । ती पुरूषको पहिचान खुलेको भए पनि ती महिलाको भने पहिचान खुल्न सकेको छैन । यसबारे प्रहरीले थप अनुसन्धान थालेको छ ।