कैलाली । जिल्ला प्रहरी कार्यालय कैलालीले हतियारसहित प्रहरी परिचालन गरिएको छ ।

जिल्ला प्रहरी कार्यालयको सुरक्षा योजना अनुसार इलाकाभित्र अपराध रोकथाम तथा न्युनिकरणका लागि कैलाली प्रहरीले हतियारसहितका प्रहरी परिचालन गरेको हो ।

बुधबार विहान ११ः३० बजेको समयमा प्रहरी सहायक निरीक्षक प्रेमकुमार शाहको कमाण्डमा ६ जनाको प्रहरी टोली आवश्यक हातहतियारसहित खटिएको थियो ।

जिल्ला प्रहरी कार्यालयको जिम्मेवार इलाकाभित्र पर्ने चुरे गाउँपालिका–६ फल्टुडे बजार हुँदै वडा नम्बर ३ धप्रेनी, चित्रपुरसम्मका वडाहरुमा हतियारसहित प्रहरी परिचालन गरिएको बताइएको छ ।

इलाका भित्रका अपराधिक गतिविधी, गैरकानुनी क्रियाकलाप, लागुऔषधको सेवन, बिक्रिवितरण, चोरी तस्करीलाई निस्तेज पार्ने उद्देश्यसहित हतियारसहितका प्रहरी परिचालन गरिएको प्रहरीले जनाएको छ ।