काठमाडौं । सर्वोच्च अदालतले फागुन १ गतेको ‘जनयुद्ध दिवस’ बिदा बदर भएको घोषणा गरेको छ ।

मंगलवार साँझ सूचना जारी गर्दै सर्वोच्चले यस्तो घोषणा गरेको हो ।

प्रधानमन्त्री पुष्पकमल दाहाल प्रचण्ड गत वर्षको माघ २९ गते मन्त्रिपरिषद्बाट निर्णय गराएर फागुन १ गते बिदा दिएका थिए । अहिले सर्वोच्चले त्यसैलाई उल्टाएको हो ।

‘सरकारको निर्णय तथा नेपाल राजपत्रमा प्रकाशित सूचना एवं सो सन्दर्भमा विभिन्न प्रदेश सरकारबाट भएका निर्णय र सूचनाहरूसमेत उत्प्रेषणको आदेशद्वारा यसै वर्षको फागुन १ गतेको सार्वजनिक बिदा बदर भएको बेहोरा सम्बन्धित सबैको जानकारीको लागि यो सूचना प्रकाशन गरिएको छ,’ सूचनामा भनिएको छ ।