काठमाडौं । नागढुङ्गामा निर्माणाधीन सुरुङ मार्गको टनेल ‘ब्रेक थ्रु’को चरणमा पुगेको छ ।

आगामी फागुन २३ गते नागढुङ्गा सुरुङ मार्ग ‘ब्रेक थ्रु’ हुने आयोजनाले जानकारी दिएको हो ।

नागढुङ्गा सुरुङ मार्ग निर्माण आयोजनाका सिनियर डिभिजलन इन्जिनियर गोविन्द दुमरुका अनुसार ‘ब्रेक थ्रु’ हुनका लागि अब मात्र ३२ मिटर बाँकी रहेको छ ।

उनका अनुसार फागुन २३ गते ‘ब्रेक थ्रु’ हुने सम्भावना रहेको छ । यो सुरुङमार्ग ‘ब्रेक थ्रू’ भएपछि नेपाल आधुनिक सुरुङ मार्गमा पहिलो पटक प्रवेश गर्नेछ।

२०७६ पुसबाट निर्माण सुरु भएको नागढुंगा–सिस्नेखोला सुरूङमार्ग २०८० वैशाखसम्म सम्पन्न गर्नुपर्ने सम्झौता थियो ।