काठमाडौं । प्रधानमन्त्री पुष्पकमल दाहाल ‘प्रचण्ड’ले राष्ट्रियसभा अध्यक्षमा नेकपा माओवादी केन्द्रको पनि दाबी रहने बताएका छन् ।

संसदीय दलको बैठकमा बोल्दै माओवादी केन्द्रका अध्यक्षसमेत रहेका प्रचण्डले यस्तो बताएका हुन् ।

प्रधानमन्त्री प्रचण्डले संसदीय दलको बैठकमा उनले गठबन्धनमा हुने निर्णयानुसार नै अघि बढ्ने जानकारी गराए।

तर, माओवादी केन्द्र सत्ता गठबन्धनभित्र हुने सहमतिअनुसार नै अघि बढ्ने प्रचण्डको भनाइ छ ।

माओवादीको संसदीय दलको बैठक सोमबार पनि बसेको थियो। गठबन्धनमा जे निर्णय हुन्छ, त्यसलाई स्वीकार गर्नुपर्ने समेत उनले बताए ।

राष्ट्रियसभा अध्यक्षको निर्वाचन आउँदो फागुन २९ गते गर्ने कार्यतालिका छ ।