काठमाडौं । नेपाली कांग्रेसका नेता तथा प्रतिनिधि सभा सदस्य ज्ञानेन्द्रबहादुर कार्कीले आफू फरार नभएको बताएका छन्।

पूर्व सञ्चार तथा सूचना प्रविधिमन्त्री कार्कीले सोमबार संसद् भवन परिसरमा पत्रकारसँग बोल्दै यस्तो बताएका हुन् ।

हाल अख्तियार दुरुपयोग अनुसन्धान आयोगले अनुसन्धान गरिरहेको ‘टेरामक्स’ प्रविधि खरिदमा भएको भनिएको भ्रष्टाचार प्रकरणको नीतिगत निर्णयमा संलग्नता देखिएपछि कार्की फरार रहेको समाचार सार्वजनिक भएका थिए ।

तर उनले आफू फरार नरहेको बताउँदै पत्रकारहरूलाई स्वस्थ पत्रकारिता गर्न आग्रह गरे ।