काठमाडौं । बाक्लो तुवाँलोका कारण काठमाडौंबाट हुने आन्तरिक उडान प्रभावित भएका छन्।

भिजिबिलिटी कम हुँदा जहाज उडान र अवतरण गर्न नसकिएको विमानस्थल कार्यालयले जनाएको छ ।

बिहान नौ बजेपछि भिजिबिलिटी बढ्दै गएकाले अब भने आन्तरिक उडान सुरु गर्ने तयारी भइरहेको छ ।

आज बिहान काठमाडौं उपत्यकामा हुस्सु-कुहिरो लागेको थियो । बाक्लो कुहिरोका कारण भिजिबिलिटी कम हुँदा आन्तरिक उडान हुन सकेका थिएनन् ।

अन्तर्राष्ट्रिय उडान भने भइरहे ।तर बिहान नौ बजेपछि पारदर्शिता बढ्दै गएकाले उडान सुरु गर्ने तयारी छ ।