काठमाडौं । आईसीसी यू–१९ विश्वकप क्रिकेटको सुपर सिक्समा नेपालले आज पहिलो खेल बंगलादेशसँग खेल्दैछ ।

नेपाल र बंगलादेशबीचको खेल बुधबार दिउँसो १ः४५ बजे सुरु हुन लागेको हो । समूह चरणमा अफगानिस्तानलाई १ विकेटले हराएर नेपाल सुपर सिक्समा पुगेको थियो ।

सुपर सिक्सको यात्रा तय गर्दासम्म नै महत्त्वपूर्ण उपलब्धि हासिल गरेको नेपाल बंगलादेशलाई पनि हराएर आफ्नो सनसनीपूर्ण यात्रालाई जारी राख्न चाहन्छ।

बुधबारको खेलमा नेपालले बंगलादेशलाई हराए पनि सेमिफाइनलको सम्भावना भने लगभग समाप्त भइसकेको छ ।