काठमाडौं । मानव अधिकार आयोगले डाक्टर रन्जित कुमार यादवलाई क्षतिपूर्ति दिलाउन सिफारिस गरेको छ ।

केन्द्रीय अनुसन्धान ब्यूरो (सीआईबी) ले नक्कली भनेर पक्राउ गरेका सक्कली डाक्टर महोत्तरीको पिपरा गाउँपालिका–८ घर भएका यादवलाई १० हजार क्षतिपूर्ति दिलाउन भन्दै आयोगले सरकारलाई सिफारिस गरेको हो ।

आफूलाई सीआईबीले गत साउन २५ गते गैरकानुनी रुपमा पक्राउ गरी थुनामा राखेको र मानसिक यातना दिएको भन्दै डाक्टर यादवले आयोगमा उजुरी दिएका थिए ।

पुस १९ गतेको निर्णयले डाक्टर यादवलाई १० हजार क्षतिपूर्ति दिन भन्दै आयोगले सरकारलाई सिफारिस गरेको बताइएको छ ।

केही महिनाअघि सीआईबीले एसएलसी र प्लस टुका मार्कसिट कीर्ते गरेर नम्बर थपघट गरी एमबीबीएस अध्ययन गरेका ‘नक्कली’ डाक्टरहरुमाथि अपरेसन चलाएको थियो । सोही क्रममा सक्कली डाक्टर रन्जित कुमार पनि पक्राउ परेका थिए ।