काठमाडौं । नेप्से परिसुचक आज पनि १४.८८ अंकले बढेको छ । मंगलबार शून्य दशमलव ७० प्रतिशतले बढेको सेयर बजार २११९.६१ अंकमा सीमित भएको छ ।

आज कुल १५२ वटा कम्पनीको मूल्य बढ्यो भने ८५ वटा कम्पनीको मूल्य घट्यो । १० वटा कम्पनीको मूल्य स्थिर रह्यो ।

होटल तथा पर्यटनमा लगानीकर्ताको आकर्षण बढ्यो । होटल तथा पर्यटन ८७.९२, जलविद्युत् ३९.१८, उत्पादन तथा प्रशोधन ३८.९८ प्रतिशतले बढ्यो ।

बैकिङ, फाइनान्स, माइक्रोफाइनान्स र निर्जीवन बिमाको उपसमूह घट्यो । सबभन्दा बढी माइक्रोफाइनान्स ११.६२ अंकले घट्यो ।

चन्द्रागिरि हिल्स, समाज लघुवित्त वित्तिय संस्था, रावा इनर्जी डेभलपमेन्टको मूल्य १० प्रतिशतले बढ्यो । सिनर्जी पावर डेभलपमेन्ट रसिगंटी हाइड्रो इनर्जीको मूल्य क्रमश ८.७२ र ८.२३ प्रतिशतले बढ्यो ।

हिमालयन रिइन्स्योरेन्सको ७५ करोड २७ लाख ८६ हजार रुपैयाँ बराबरको सेयर कारोबार भएको छ । नाग्दी समुहको २२ करोड २० लाख ३३ हजार रुपैयाँ बराबरको कारोबार भएको छ ।

आज ३०८ कम्पनीको १ करोड ५१ लाख ७८ हजार ३६८ कित्ता सेयर ५ अर्ब ५४ करोड ४२ लाख १७ हजार ५९३ रुपैयाँमा खरिदबिक्री भए। १४ अंकले बढेको सेयर बजारमा सोमबारको तुलनामा कारोबार रकम बढी हो।