एजेन्सी । क्लब मैत्रीपूर्ण खेलमा साउदी क्लब अल हिलालसँग लियोनेल मेस्सी सम्मिलित इन्टर मियामी पराजित भएको छ ।

गएराति सम्पन्न खेलमा अल हिलालले इन्टर मियामीलाई ४–३ गोल अन्तरले पराजित गरेको हो ।

अल हिलालको जितमा अलेक्सान्डर मिट्रोभिक, अब्दुल्लाह अल हामदान, माइकल र माल्कमले एक एक गोल गरे।

इन्टर मियामीका लागि लुइस स्वरेज, लियोनेल मेस्सी र डेभिड रुइजले एक/एक गोल गरे ।

हाल साउदी भ्रमणमा रहेको इन्टर मियामीले अब फेब्रुअरी १ मा क्रिस्टियानो रोनाल्डोको क्लब अल नासरसँग खेल्ने छ ।