झापा । १५ वर्षीया बालिका बलात्कार आरोपमा एकजना पक्राउ परेका छन्।

मोरङ उर्लाबारी नगरपालिका-८ का १९ वर्षीय आयुष धिमाल पक्राउ परेका हुन्।

उनलाई ईलाका प्रहरी कार्यालय काँकरभिट्टाबाट खटिएको टोलीले आइतबार राति पक्राउ गरेको हो।

धिमालले झापाको मेचिनगर नगरपालिका-१२ चारआलीस्थित हट स्मोक क्याफेको कोठामा शनिवार राति बलात्कार गरेको उजुरी छ।

सोही उजुरीको आधारमा उनलाई पक्राउ गरिएको प्रहरीले जनाएको छ। यस घटनामा प्रहरीले थप अनुसन्धान गरिरहेको छ।