काठमाडौं । नेपाली कांग्रेसका सभापति तथा पूर्वप्रधानमन्त्री शेरबहादुर देउवा छोरा जयवीर सिंह देउवाको बिहेका निम्तालुलाई फूल माला, खादा र उपहार नल्याउन आग्रह गरिएको छ ।

देउवाको परिवार विवाहको अहिले अन्तिम तयारीमा जुटेको छ । निम्तो पत्र बाँड्ने कार्य पनि चलिरहेको छ । सोही निम्तो पत्रमा फूल माला, खादा र उपहार नल्याउन आग्रह गरिएको हो ।

देउवाका छोराको बिहे माघ २१ गते बूढानीलकण्ठबाटै पारिवारिक जमघटमा हुनेछ भने भद्रकालीस्थित आर्मी अफिसर्स क्लबमा पार्टीको आयोजना गरिएको छ ।

२८ वर्षीय जयवीर देउवा र आरजुका एक्लो छोरा हुन् । शिवाना पूर्वपरराष्ट्र सचिव केदारभक्त श्रेष्ठकी नातिनी र सञ्जीवभक्त श्रेष्ठकी छोरी शिवाना श्रेष्ठ हुन् । उनी कभर गायिका समेत हुन् ।

जेठ १९ गते शिवाना र जयवीरले दुईले इन्गेजमेन्ट गरेका थिए ।