काठमाडौं । उपप्रधानमन्त्री तथा रक्षामन्त्री पूर्णबहादुर खड्का र संयुक्त राष्ट्रसंघकी अन्डर सेक्रेटरी जनरल इजुमी नाकामित्सुबप्च भेटवार्ता भएको छ ।

रक्षामन्त्री खड्कासँग नाकामित्सुलेले सिंहदरबारमा भेट गरेकी हुन्। भेटमा उपप्रधानमन्त्री खड्काले नाकामित्सुलाई स्वागत गर्दै संयुक्त राष्ट्रसंघबाट भएको निरन्तर सहयोगका लागि धन्यवाद व्यक्त गरे।

रक्षामन्त्री खड्काले नेपाल र संयुक्त राष्ट्रसंघबीच ज्यादै घनिष्ठ सम्बन्ध रहेको, नेपालले संयुक्त राष्ट्रसंघको सदस्यता प्राप्‍त गरेदेखि नै संयुक्त राष्ट्रसंघको कार्यक्रमहरूमा सहभागी हुँदै आएको र संयुक्त राष्ट्रसंघको वडापत्र एवं जिम्मेवारीप्रति प्रतिवद्ध रहेको उल्लेख गरे।

विश्व शान्ति कायम गर्ने संयुक्त राष्ट्रसंघको उद्देश्य प्राप्‍तिमा नेपाल सक्रियतापूर्वक लागि रहेको र यसै सन्दर्भमा विश्वका १२ राष्ट्रका १३ वटा मिसनमा छ हजारभन्दा बढी शान्ति सैनिक परिचालन गरी महत्वपूर्ण भूमिका निर्वाह गरिरहेको कुरा रक्षामन्त्री खड्काले उल्लेख गरे।

साथै, नेपालले लैङ्गिक हिंसा तथा यौन दुर्व्यवहारमा शून्य सहनशीलताको नीति लिएको समेत उनले बताए।