काठमाडौं । आईसीसी यू-१९ विश्वकपमा नेपालका तीव्र गतिका बलर आकाश चन्दले तीन विकेट लिएका छन् ।

आकाश चन्दको २२ औं ओभरको दोस्रो बलमा ओपनर शम्याल हुसेन उत्तमथापा मगरबाट ३७ रनमा क्याच आउट भए ।

बाउन्सर बलमा उनी टप एज लागेर क्याच आउट भएका थिए । उनले ५९ बलमा ४ चौका र १ छक्का प्रहार गरे ।

चौथो बलमा शाहजैब खान ३७ रनमा आउट भए । सट बलमा आकाश त्रिपाठीबाट क्याच आउट भएका हुन् ।

उनले ७० बलमा ३ चौका र १ छक्का प्रहार गरे । एकै ओभरमा दुई विकेट लिएपछि नेपाल खेलमा फर्किन सक्ने संकेत देखाएको छ ।

त्यसअघि बफेलो पार्कमा टस जितेर पहिला ब्याटिङ रोजेको नेपालले निर्धारित ५० ओभरमा सबै विकेट गुमाएर १९७ रन बनाएको थियो ।