काठमाडौं । आईसीसी यू–१९ विश्वकपमा सुवास भण्डारी र आकाश चन्दले पाकिस्तानविरुद्ध दौडिएर नै एकै बलमा पाँच रन बनाएका छन्।

तीव्र गतिका बलर मोहम्मद जिशानको ४९ औं ओभरको पाँचौं बलमा उक्त पाँच रन जोड्न सफल भएका हुन् ।

जिशानलाई सुवास भण्डारीले उक्त बल प्रहार गरेका थिए । दुई रन सजिलै जोडेका थिए ।

तर पाकिस्तानका फिल्डरले फालेको थ्रो बल समाउन नसकेपछि सुवास र आकाशले त्यसको भरपूर्ण फाइदा उठाउँदै पाँच रन दौडिएर पूरा गरेका थिए।

त्यसैको कारण नेपालले एकै बलमा पाँच रन जोड्न सफल भएको थियो । नेपालले पाकिस्तानलाई १ सय ९८ रनको मध्यम लक्ष्य दिएको छ ।

टस जितेर पहिला ब्याटिङ रोजेको नेपालले निर्धारित ५० ओभरमा १९७ रनमा अल आउट भयो ।