काठमाडौं । आईसीसी यू-१९ विश्वकप क्रिकेट प्रतियोगितामा नेपालले पाकिस्तानसामु १९८ रनको चुनौती पेस गरेको छ ।

दक्षिण अफ्रिकामा जारी खेलअन्तर्गत निर्धारित ५० ओभरमा नेपालले १० विकेट गुमाएर १९७ रन मात्र जोड्न सक्यो ।

नेपालको पारीमा विपिन रावलले सर्वाधिक ३९, दीपक डुम्रेले २६, देव खनालले २३, सुवास भण्डारीले २०, गुल्सन झाले १८ र आकाश चन्दले १६ रनको योगदान गरे।

दीपेश कंडेलले १३ रन जोडेको पारीमा अन्य ब्याटरले दोहोरो अंकमा रन बनाउन सकेनन् । पाकिस्तानका लागि अराफात मिन्हासले सर्वाधिक ३ विकेट लिए ।

पाकिस्तानले केहीबेरमा जवाफी ब्याटिङ गर्नेछ ।