मकवानपुर। मकवानपुर प्रहरीले अवैध लागूऔषध गाँजासहित २ जनालाई पक्राउ गरेको छ ।

पक्राउ पर्नेमा रसुवा पार्वतीकुण्ड गाउँपालिका-५ का प्रभात घले र मकवानपुर थाहा नगरपालिका-३ दमकी रण बहादुर थिङ रहेका छन्।

ईलाका प्रहरी कार्यालय पालुङको टोलीले उनीहरुलाई थाहा नगरपालिका ८ दामगडेबाट ५० किलो अवैध लागूऔषध गाँजासहित पक्राउ गरेको हो ।

गल्छीबाट पालुङतर्फ जाँदै गरेको बा.१५ च ३९२९ नम्बरको बोलेरो गाडीलाई जाँच गर्ने क्रममा २ वटा बोरामा राखेको उक्त गाँजा फेला परेको थियो ।