नवलपरासी । नवलपुरको हुप्सेकोटका गर्भवती श्रीमतीको हत्या गरेको आरोपमा श्रीमान् पक्राउ परेका छन् ।

श्रीमती चनिसरा लम्का मगरको हत्या गरेको आरोपमा पूर्वी नवलपरासीको हुप्सेकोट गाउँपालिका-६ विरुखर्कका शेरबहादुर लम्का मगरलाई प्रहरीले पक्राउ गरेको हो ।

शेरबहादुरले चनिसरालाई कोदालो र खुर्पाले प्रहार गरेर हत्या गरेको प्रहरीले जनाएको छ ।

शनिबार राति १ बजे कोदालो र धारिलो हतियार प्रहार गर्दा घटनास्थलमा नै महिलाको मृत्यु भएको थियो ।

हत्या गर्ने शेरबहादुरलाई प्रहरीले नियन्त्रणमा लिएको छ । हत्याको कारण खुलेको छैन ।

घटनाबारे थप अनुसन्धान भैरहेको प्रहरीले जनाएको छ ।