पाल्पा । पाल्पाको झुम्साखोलामा खानेपानी पाइपका लागि निर्माण गरेको फलामे पुल भाँचिदा दुई जना कामदार घाइते भएका छन्।

घाइते हुनेमा तिनाउ गाउँपालिका–४, कोलडाँडाका ३९ वर्षीय रनबहादुर गाहा र रौतहटको चन्द्रनिगाहपुर बस्ने २२ वर्षको लक्षु माझी रहेका छन् ।

फलामबाट बनेको पुलको तल्लो भागमा राखेको टेका हटाउन नटबोल्ट खोल्दै गर्दा पुल भाँचिएको थियो ।

गाहाको दुबै खुट्टा भाँचिएको र माझीको खुट्टामा चोट पटक लागेकाले उपचारका लागि तत्काल लुम्बिनी प्रादेशिक अस्पताल रुपन्देही पठाइएको जिल्ला प्रहरी कार्यालय पाल्पाले जनाएको छ ।

घटनाका सम्बन्धमा थप अनुसन्धान भइरहेको प्रहरीले जनाएको छ ।