बुटवल । लुम्बिनी प्रदेशका मुख्यमन्त्री डिल्लीबहादुर चौधरीले संघीयता कार्यन्वयनका लागि तीनै तहका सरकारबीच समन्वय जरुरी रहेको बताएका छन्।

लुम्बिनी प्रदेश समन्वय समितिको बैठकलाई सम्बोधन गर्दै मुख्यमन्त्री चौधरीले यस्तो बताएका हुन् ।

मुख्यमन्त्री चौधरीले प्रदेश सरकारले स्थानीय तहसँगको समन्वयलाई प्रभावकारी बनाएपनि संघीय सरकारले प्रदेशको अधिकार दिन नखोजेको बताए ।

त्यसका लागि प्रधानमन्त्रीसँग पटक पटक छलफल गरिसकेको पनि मुख्यमन्त्री चौधरीले बताए । लुम्बिनी प्रदेश समन्वय परिषदको बैठक हरेक चार महिनामा एक पटक बस्दै आएको छ ।

बैठकका सहभागीहरूले सरकारले बनाएको बन ऐन संशोधन गरेर वनका ढलापडा काठको संकलन र विक्री, नदीजन्य सामाग्रीको घाटगद्धी गरेर विक्री गर्ने निर्णयको प्रभावकारी कार्यान्वयन, राजश्व संकलनमा देखिएको जटिलता लगायतका विषयमा समाधान र सहजीकरणका लागि आग्रह गरे।