डोटी । डोटीमा जंगली बँदेलको आक्रमणबाट एक महिलाको मृत्यु भएको छ।

डोटीको केआइसिंह गाउँपालिका–१ की ३५ वर्षीया जगुलीदेवी भुलको बँदेलको आक्रमणबाट मृत्यु भएको हो।

बँदेलको आक्रमणबाट गर्दा घाइते भएकी जगुलीको उपचारका क्रममा जिल्ला अस्पताल डोटीमा मृत्यु भएको जिल्ला प्रहरी कार्यालय डोटीले जनाएको छ ।

आज बिहान नजिकै घाँस काट्ने क्रममा बँदेलले आक्रमण गर्दा जगुलीसहित सोही ठाउँका ७२ वर्षीया भगी भुल घाइते भएका थिए।

भगीको जिल्ला अस्पतालमा उपचार भइरहेको छ। उनको टाउकोमा चोट लागेको जनाइएको छ।