काठमाडौं । गण्डकी प्रदेश प्रहरी प्रमुख प्रहरी नायव महानिरीक्षक (डिआईजी) विकाशराज खनालले आज पदभार ग्रहण गरेका छन् ।

हालै सरुवा भएर गएका डिआईजी खनालले सोमबार पदभार ग्रहण गरेका हुन् ।

पदभार ग्रहण पश्चात प्रहरी नायव महानिरीक्षक खनालले गण्डकी प्रदेशको बस्तुस्थिति, जनशक्तिको बारेमा जानकारी लिएका थिए ।

त्यस पश्चात उनले कार्यालय तथा मातहत समेतका प्रहरी कर्मचारीहरुलाई प्रभावकारी अपराध अनुसन्धान तथा नियन्त्रण र शान्ती सुरक्षामा प्रहरी प्रभावकारीतालाई थप गर्न संगठनको मुल्य मान्यतालाई आत्मसाथ गरी त्रुटि रहित तवरले कार्यसम्पादन गर्न निर्देशन दिए ।

आजै कार्यालयमा हाजिर भएका डिआईजी खनाललाई प्रहरी वरिष्ठ उपरिक्षक, प्रहरी उपरीक्षक, प्रहरी नायव उपरीक्षक लगायत प्रहरी अधिकृत तथा जवानहरुले स्वागत गरेका थिए ।